വിഗ്രഹങ്ങള്‍ പാല്‍ കുടിക്കുന്നു എന്ന വാര്‍ത്ത പല പത്രങ്ങളും വലിയ തലക്കെട്ടോടെ പ്രസിദ്ധീകരിച്ചതായി കണ്ടു. അന്ധവിസ്വാസങ്ങളും തെറ്റിദ്ധാരണകളും ഇല്ല്യായ്മ ചെയ്യാന്‍ മുന്നിട്ട്‌ നില്‍ക്കേണ്ട പത്രമാധ്യമങ്ങള്‍ ഇത്തരം പ്രചാരണങ്ങള്‍ക്ക്‌ കൂട്ട്‌ നില്‍ക്കുന്നു എന്നത്‌ എന്തൊരു വിധിവൈപരീത്യം.

   വിഗ്രഹങ്ങളുടെ പാലുകുടിക്കു പിന്നില്‍ അല്‍ഭുതമല്ല ശാസ്ത്രമാണ്‌ പ്രവര്‍ത്തിക്കുന്നത്‌. തന്മാത്രകള്‍ക്കിടയിലൂടെ മര്‍ദം മൂലം ദ്രാവകം ഉള്‍വലിയുന്നതാണ്‌ വിഗ്രഹത്തിലൊഴിക്കുന്ന പാല്‍ അപ്രത്യക്ഷമാകുന്നതിന്‌ കാരണം. ലോഹവിഗ്രഹങ്ങള്‍ എന്നാല്‍ പാല്‍ കുടിക്കുന്നില്ല.
ഇതെല്ലാം അറിഞ്ഞിട്ടും ഇത്തരം “വാര്‍ത്ത”കള്‍ക്ക്‌ കൂട്ടുനിന്‍ല്‍ക്കുന്നത്‌ ഒരു പത്രമാധ്യമത്തിനും യോചിച്ചതല്ല.

    ന്യൂ ഡെല്‍ഹിയിലെ അപ്പൊളൊ ആശുപത്രിയില്‍ മലയാളം സംസാരിച്ചതിന്‌ 3 നേഴ്‌സുമാരുടെ ജോലി നഷ്ടപ്പെട്ടു. പുതുതായി ചാര്‍ജെടുത്ത ഡയറക്ടറുടെ നിര്‍ദ്ധേശപ്രകാരമാണ്‌ മലയാളം ബാന്‍ ചെയ്തത്‌. മറ്റു ഭാഷകള്‍ക്ക്‌ വിലക്കില്ല. 90% പേരും മലയാളികളായ അപ്പോളോവില്‍ മലയാളം മാത്രം വിലക്കിയതിന്റെ പിന്നിലെ ദുഷ്ടലാക്ക്‌ എന്താണെന്ന്‌ മനസ്സിലാകുന്നില്ല.

  പിറ്റേന്ന്‌ പള്ളിയില്‍ പൊകുന്നതിനേക്കുറിച്ച്‌ സംസാരിക്കുകയായിരുന്ന മൂന്ന് നേഴ്‌സുമാരെക്കുറിച്ച്‌ പരാതിപ്പെട്ടതോ; മലയാളിയായ നേഴ്‌സിങ്ങ്‌ സൂപ്രണ്ടും. എന്തൊരു വിരോധാഭാസം.